قبل ما تقراو لازم تنويو و انشاله تعجبكم
1- تمشي و تتعالى و طولها طول لغزالة شافها الوزير قال نديها شافها السلطان قال تغنيها شافها لغزال قل نديها ولا نموت عليها
2-خرجت نطلب الله صبت النجوم دايرة بسيدي رسول الله كل وحدة تقول واحد ما يدي غير واش اعطاه الله
3-السمراء يا السمراء يالي حسدوني فيك انت سلسلة و انا قليب فيك انت خاتم و انا قصيص فيك نداربو و اللي غلب يديك
4-سيدي يا سيدي مارانيش لاباس الطفلة اللي نبغيها عدرة بنت ناس يا درا نوصل ليها ولا نقطع لياس
5-دار بلا بيبان و طابلة بلا كيسان و ورد بلا ريحان و حياتي بلا بيك يا لحبيبة كالطير بلا جنحان
6-هبطت لقاع الجنان خرجتلي جنية قاتلي واش بيك راكي تحوسي قتلها ماراني نحوس لا مال ولا ذرية راني نحوس على هذيك السمراء اللي غابت عليي
7-امال يا امولة يا بنت الشاوية لفحولة صبحان اللي خلقك و ما خلى فيك حتى لولة
8-الزين يا الزين كحل لشفار و مخبل لشعار غاب على لنظار و خلى قلبي شاعلة فيه النار
9-جزت على باب دارها اعطيتها وردة قلتلها مابياش الوردة اللي فلكاس بيا حبك يا بنت الناس
10- يا مولات النية ياللي ساكنة فيا لوكان نشوفك صباح و عشية و الله ما يملو عينيا