نكت مترابطة

- صخره وقعت من فوق عماره ولوح القزاز اللي تحتها ما اتكسرش - ليه ؟
علشان ما وقعتش عليه
- طب فرخه بتعدي في الشارع وماتت فجأة – ليه ؟
الصخرة وقعت عليها
- ليه البدوي بيحط جنبه كاس شاي وهو نايم ؟
علشان الشاي منبه
- طب وليه بيحط جنب كاس الشاي فنجان قهوه ؟
علشان لو الشاي ما رنش
- وليه بيحط جانبه كاس ماء فارغ وكاس مليانه ؟
ممكن يشرب و ممكن ما يشربش
- وليه بيحط سكر علي الكرسي قبل ما يقعد ؟
علشان تبقي قعدته حلوه
- حاجه طايره في السماء وبتقول نياو – ايه هي ؟
قطه بيضاء مضروبه بالشلوت
- طب حاجه سوده طايره في السماء وبتقول نياو – ايه هي ؟
غراب بيستهبل
- واحد شرب بنزين راح جري علي المستشفي ولما وصل المستشفي وقع علي الباب ليه ؟
البنزين خلص
- طب حاجه بني طايره في السما وما بتقولش حاجه ؟
فرده بتاعه الراجل اللي ضرب القطه الجزمه البيضاء
- طب حاجه سوده طايره في السما وما بتقولش حاجه – ايه هي ؟
غراب عاقل وما بيحبش الاستهبال
- حاجه زرقاء طايره في السما – ايه هي ؟
بنطلون جينز دبانه لابسه
ايه هي ؟ - طب حاجه سوده وفيها خط أحمر وطايره في السما من الشرق للغرب –
دبانه لابسه فستان سواريه وحاطه روج ورايحه فرح واحده صاحبتها
- طب حاجه سوده وفيها خط أحمر وطايره في السما من الغرب للشرق – ايه هي ؟
الدبانه نسيت الهدية في البيت فرجعت تجيبها
- حاجه سوده ماشيه في الصحراء – ايه
سرب نمل رايح يعزي
- نقطه سوده علي الحيطه – ايه هي ؟
دبانه
- طب نقطتين سود علي الحيطه تبقي ايه ؟
دبانتين
- طب 3 نقط سود علي الحيطه تبقي ايه ؟
3دبانات
- طب 54 نقطه سوده علي الحيطه تبقي ايه ؟
يبقي البياض بيقشر
- حاجه رفيعه وطويله ولونها ابيض – ايه هي ؟
فتله بيضاء
- طب حاجه رفيعه وطويله ولونها اسود – ايه هي ؟
خيال الفتله البيضاء
- ليه النمله بتقعد جنب البحر وهي بتقرأ ؟
علشان تبل ايدها كل ما تيجي تقلب الصفحه
- وليه ما بتاخدش الفيل قصادها علي العجله ؟
علشان بيقعد يلعب في الجرس
- وليه ما بينزلوش البحر في وقت واحد ؟
علشان ما فيش معاهم غير مايوه واحد
- وليه النمله ما بتنامش جنبه ؟
علشان الشيطان شاطر
زجاجة - ازاي نحط فيل في ؟
نزقه وهو بيشرب
- وازاي نحط فيلين في زجاجة من غير ما يلمسوا بعض ؟
نحط بينهم فيل تالت
- ازاي نعدي الفيل من خرم الابره ؟
نزحلقه علي الفتله بس لازم الاول نفك العقده اللي في ديله
- ازاي نصطاد الفيل الاحمر ؟
نصطاده ببندقيه الفيل الاحمر
- طب ازاي نصطاد الفيل الاخضر ؟
نستناه لما يستوي وبعدين نصطاده ببندقيه الفيل الاحمر
- ازاي نصطاد الفيل الازرق ؟
نكسفه - وشه يحمر - نقوم نصطاده ببندقيه الفيل الاحمر
- ازاي نقعد 4 فيله في عربيه فولكس ؟
نقعد 2 ورا و 2 قدام
- طب ومين اللي يسوق فيهم ؟
اللي معاه رخصه
- طب ازاي نقعد 8 فيله في عربيه مرسيدس ؟
نبيع المرسيدس ونشتري عربيتين فولكس ونقعد في كل عربيه 2 ورا و2 قدام
- دكتور اتجوز محاميه خلفوا ولد يسموه ايه ؟
أحمد علي اسم جده
- ليه القطنه مش هتدخل النار ؟
علشان مدام نظيفه قالت القطنه ما بتكدبش
ليه الموسه ما راحتش ميعاد الموس ؟
علشان كانت ناسيت
- طب ليه ما راحتش الميعاد اللي بعده ؟
علشان كانت ناسيت تو
ايه الحاجه اللي بتطفو فوق سطح الميه وأول حرف منها ح ؟
حته خشبه
ايه الحاجه اللي بتطفو فوق سطح الميه وأول حرف منها ب ؟
برضه حته خشبه
- ايه الحاجه اللي بتطفو فوق سطح الميه وأول حرف منها ن ؟
نفس حته الخشبه
- ايه الحاجه اللي بتطفو فوق سطح الميه وأول حرف منها هــ ؟
هي هي حته الخشبه
- ايه الحاجه اللي بتطفو فوق سطح الميه وأول حرف منها أ ؟
انت ما بتتعلمش ؟ ما قلت لك حته الخشبه

هههههههههههههههههه
تقتل بالضحك تسلمي

شكرا مع انهي من حضرتك شكرا لك

هههههه

شكرا على النكت الحلوة

الشكر للولي الغالية

مشكوووووووووووووووووووووووووووووووووووووووووورة يا بت انتي يا مصريه

ان شاء الله ندوم يا رب و تواصل دائم